自家製~骨精濃湯寶~

豬筒骨~~2斤(其實可以好隨意)***又可以轉用雞殼***
洋蔥         1個(去皮整個落不用切)
甘筍         1條(去皮整條落)
京蔥         1條
胡椒粒     小許
(以上材料可以自行加多減少，或者加自己鍾意嘅材料都得)

***我自己冇落調味，用嘅時候先放****

豬筒骨出水備用，放好(凍水)滿，將全部材料放入

我用(娥姐煲)壓力煲，煲2個鐘，除豬骨及胡椒粒，其他材料全部取出，

跟住開蓋繼續煲至剩一半水

放涼，隔渣...就可以入雪櫃(下格)，雪凍咗油份會自動浮面，可以片起佢唔要，

剩番嘅就得番啲骨精~放入冰粒格或盒，又可以分好一定份量，雪喺冰箱，用嘅時候一份

一份攞出嚟就得嘞~

出嚟嘅湯真係好正㗎~仲要無添加