自製香草蒜茸牛油 焗芝士鮮蝦伊麵

材料  : 蝦        半斤(約8隻)
           伊麵    一個(大)
           煙肉     2片切粒
           洋葱     半個(小)切粒
         自制香草蒜茸牛油(隨意)
         巴馬臣芝士(適量)


(預先做)
             芝士汁: 水     半碗
             淡忌廉           半碗
             片裝芝士       1  片(後落)
             糖小許           吊味
             鷹粟粉           小許埋茨
**全部材料煮勻便可** 用中小火煮(芝士汁不用煮太杰身)

(預先做)
自制香草蒜茸牛油做法:

              蒜茸             3-4粒
              無鹽牛油     50g
              鹽                 約半茶匙  
              百里香(碎)   2茶匙        
 牛油用熱水座至軟身加入鹽及百里香拌勻便可(不用太熱)
 如用有鹽牛油無需加鹽 自制香草蒜茸牛油所有材料可按個人口味調整



焗芝士大蝦伊麵做法

伊麵預先煮至軟身，隔去水份，放入焗盤備用

洋葱炒至微黃，加入煙肉炒勻，一半放上伊麵面， 一半備用

淋上芝士汁，蝦洗淨開邊，放伊麵上，搽上香草蒜茸牛油

再放上另一半洋葱煙肉，灑上巴馬臣芝士碎　**梗係愈多愈正啦~

放入已預熱220度焗爐，焗約20分鐘，完成