上海雲吞包法

一、點水；
二、包餡；
三、對摺；
四、再點水；
五、再摺；
完成！
上海雲吞，
只要五步就包好～

挑蝦腸

挑蝦腸，只要一步一步跟著做，原來很容易呢！

啫啫排骨煲

材料：
新鮮排骨　約12-14両  
豬潤           約 4 両
乾蔥   3-4粒（切片）蒜頭    2 粒  （切片）
薑片   數片
洋蔥   半個   (切開4-6份)
蔥       適量

醃料：
豉油  3 湯匙
糖      1 湯匙
酒      2 茶匙
老抽  1-2茶匙(調色)
柱候醬 1.5茶匙

做法：
1. 排骨洗淨，放入全部醃料，醃約半小時
2. 豬潤 切片(薄)備用(豬潤若想爽口,可放水喉下沖水)
3. 開火，落油先爆香薑、蒜、乾蔥、洋蔥，盛起
4. 轉小火，放排骨，煎至兩面金黃，其間可續小加水
5. 轉中小火煮至8成熟，放之前爆香料頭，和醃肉剩下的醃料，加小許水 (如想汁杰可加小許粟粉)
6. 放豬潤，煮約2-3分鐘(視附豬潤厚薄)
7. 放蔥兜勻，完成！

更多分享,歡迎加入---> https://www.facebook.com/groups/253857664794843/

香酥單骨雞翼

材料：
雞中翼   12-14 隻  (視附大小)
粟粉       適量

腌料：
薑汁      2 茶匙
豉油      3湯匙
糖         1 湯匙
咖哩粉  1茶匙(主要要香味，不會辣)
麻油      小許

做法：
1. 將雞翼洗淨，中間切開，放入腌料腌20分鐘左右
2. 半煎炸(因唔想用咁多油)，先用細火，煮熱油
3. 雞翼煎前沾上粟粉，煎至兩邊金黃
4. 再轉中小火，煎至熟
5. 預備廚房紙吸去多餘油份，上碟，完成！

更多分享,歡迎加入---> https://www.facebook.com/groups/253857664794843/

酸甜橙香骨

材料：
一字排     約磅半 (先用鹽、胡椒粉醃45分鐘左右)
蒜茸        2 粒
薑片        數片

汁料：
橙            一個
茄醬         2湯匙
鹽            1/4茶匙
糖            1/2湯匙 (視乎橙甜度酌量加減)
水            3湯匙

做法：
1. 將橙洗淨，切去頭尾不要，先切兩片備用，其餘榨汁
2. 開小火，放入橙汁，及所有其他汁料和兩片橙，煮至微杰，試味(因每個橙甜酸度不同)，備用
**(如喜歡橙香,,可再加小許橙皮茸)
3. 爆香薑片及蒜茸，將一字排煎至兩面金黃(中小火)
4. 加約3湯匙水，蓋蓋焗5分鐘
5. 開蓋，待水份略收，加入之前已煮至微杰的汁，兜至汁杰，完成！

排骨頭雪蛤膏煲雞湯

材料：
雪蛤膏(乾身)　20g左右 喜歡可加多
雞殼     　　　1-2隻
排骨頭  　　　15蚊左右(可落可不落)
薑片      　　　6-8片
紅棗      　　　6粒
蔥          　　　數條
瑤柱      　　　4-6粒

做法：
1. 雪蛤膏用水浸發4-6小時(我本人之前一晚浸定)
2. 瑤柱先用水浸半小時
3. 將雪蛤膏洗乾淨(除去殘餘雜質)
4. 滾水內放薑2片、蔥，將雪蛤膏加入煮10分鐘，取出瀝乾水分，薑、蔥不要
5. 雞處理乾淨，放入滾水內煮5分鐘，取出
6. 排骨頭處理乾淨，放入滾水內煮5分鐘，取出
7. 紅棗去核
8. 先煲滾水，放所有材料煲至滚，之後轉文火煲2小時
9. 調味，完成！

鮮蝦粉絲(煲)

材料：
中蝦            10兩
粉絲            3扎
薑片            數片
蔥段            適量

調味料：胡椒粉  小許
蠔油      2湯匙
糖         1.5茶匙

做法：
1. 先將蝦去腸、鬚，洗淨，放乾，用小許胡椒粉拌勻，備用
2. 粉絲用凍水浸軟備用
3. 將鑊燒熱放油，爆香薑片
4. 放蝦，煎至兩面金黃約7成熟
5. 放粉絲(記住要快手兜)，邊炒邊加水，放蠔油,糖
6. 略炒放蔥段
7. 炒至心目中想要的乾濕度便可
**如要粉絲乾身一定邊炒邊逐少加水
**如想做粉絲蝦煲可加多點水(約2碗水左右)及增加調味


更多分享,歡迎加入---> https://www.facebook.com/groups/253857664794843/

糖醋排骨

材料：
排骨(我用凍肉鋪買長身的          約磅半
        即做金沙骨那種)
蒜頭                                            2粒
薑                                                數片
老抽                                            少許

汁料：
水　　半碗
白醋　半碗
黃糖 　8分滿碗(可用沙糖/黑糖，黑糖味道會濃一點)
豉油 　半碗

做法：
1. 排骨先汆水，再用鹽醃約半個鐘
2. 開鑊放油，爆香薑片及蒜頭
3. 下排骨轉中火，略煎至兩面微黃
4. 加所有汁料，兜均
5. 蓋蓋焗約5分鐘(視附排骨大小)
6. 開蓋，加少許老抽調色
7. 再煮約3分鐘，其間不停兜，因有糖會易痴底
8. 先夾起排骨，只留汁在鑊繼續煮杰
9. 熄火，淋汁上排骨面即可

蘿蔔炆豬軟骨

材料：
豬軟骨(凍肉鋪買)約 $30~
白蘿蔔         一條
蒜頭             3 粒
薑                數片
洋蔥            半個(切細條)

調味：
鹽    約一茶匙
糖      2茶匙
魚露   1 湯匙
雞粉   1 茶匙
胡椒粉  小許
水      適量
       
做法：
1. 先將豬軟骨出水(備用)
2. 開鑊爆香薑、蒜頭，下蘿蔔略兜，再下豬軟骨兜勻
3. 放洋蔥，加水至八分滿，大火煮至滾
4. 轉中小火，落調味，兜勻
5. 蓋蓋，炆約半個鐘 (洋蔥會煮到溶曬落個汁度架)
6. 開蓋，收汁     
**喜歡加蔥段可最尾加入拌勻即可
** 咸淡可隨個人喜好加減

鮑汁鳳爪

材料：
炸鳳爪        18隻
薑              數片(出水用)
豆豉          適量
蒜茸           4粒
蔥段           隨意
乾蔥頭       1 粒 (切碎)
水
糖               3茶匙
蠔油           3湯匙
鮑魚汁       2湯匙
**喜愛辣嘅朋友可加辣椒呢

做法：
1. 先將鳳爪用薑出水，大火冚蓋5分鐘，過冷河備用
2. 開鑊爆香豆豉、干蔥，下鳳爪快炒(因會痴底甩皮,所以要快)
3. 再下蒜茸，快炒兜勻，加水至八分，放所有調味，兜勻
4. 冚蓋轉中火約15-20分鐘 (想入味d同淋d可以煮耐多5分鐘)
5. 試味
6. 再下蔥段炒勻，鐘意個汁杰d可加豆粉水
7. 完成！**(呢個隔夜仲好食)

B記雞翼尖變奏版

材料：
雞翼尖.......約磅半
乾蔥頭....... 一粒(切粒)
蒜頭   ........4 粒(茸)
雞粉.........1 茶匙
鹽   ........適量
糖............2茶匙
酒............半蓋
老抽.........1/4茶匙
胡椒粉.....小許
麻醬......1茶匙
薑............數片

做法：1. 雞翼尖洗淨，用適量鹽腌約15分鐘
2. 開鑊爆香薑、乾蔥頭後，加雞翼尖快炒
3. 加蒜茸，快手再炒勻
4. 加水至翼尖面，再加入所有調味料，煮至滾
5. 收細火蓋蓋煮15分鐘，再熄火焗10分鐘，完成！

口水雞翼

材料：
雞翼   8-10隻
花椒   約2茶匙
八角   2粒
薑       數片

醬料 (這份量的醬料唔太多，可跟據喜好加減份量)：
花椒油    2茶匙
辣椒油    2湯匙
麻油        適量
黑醋        2茶匙
糖            2茶匙
鹽            半茶匙
生蒜茸    1粒
麻醬        2茶匙

做法：
1. 雞翼用適量盬腌半小時
2. 花椒、八角、薑片同加水煲滾
3. 放雞翼煮至水重新滾起後，再煮約5分鐘(視附雞翼大小)
4. 熄火焗10分鐘
5. 雞翼盛起立即用凍水沖洗，最好用冰水浸，目的是讓雞肉緊縮，保持入口有彈性
6. 醬料拌勻(本人用熱水坐溶)
7. 已拌勻之醬料淋上雞翼面，即可食用！
**喜歡的可再加上炸蒜、葱花、白芝麻及脆花生

輕怡菠蘿生炒骨(無炸)

材料：
肉排    約20蚊
糖        3茶匙
鹽        2茶匙
豉油    1 湯匙
粟粉    2 茶匙
蒜茸    2 粒(後加)
菠蘿片1小罐切粒(後加)

汁料：
茄汁     3湯匙
白醋     1湯匙
水         1 湯匙

做法：
1. 將以材料(蒜茸及菠蘿除外)倒入大碗內腌半小時(耐d會入味d)
2. 燒熱鑊放上肉排，轉中火煎至八成熟(兩面金黃)
3. 加蒜茸，跟住放入汁料兜勻
4. 最後放菠蘿粒，快手兜勻即可**可自行配上青椒等其他配料

三文魚頭煲

材料：
三文魚頭    一個
白蘿蔔       一斤
豆腐           一件
薑               數片
鹽               適量胡椒粉        適量
糖               適量

做法：
1. 先將三文魚頭一開二，洗淨
2. 用大約2 茶匙鹽及胡椒粉搽均魚頭腌約30分鐘
3. 蘿蔔洗淨批皮切片 (建議可切薄一點，可縮短烹飪時間) 
4. 開大火放薑爆香，再下三文魚頭煎至兩邊金黃
5. 下白蘿匐略煎，之後加水至浸到三文魚頭 (約3-4碗，視乎買到的魚頭大小)，加少許糖吊味，冚蓋煮20分鐘
6.放上豆腐，放鹽再煮至滾，即成!

爆芝pizza roll

材料：
春卷皮  一包
Mozzarella Cheese   適量...要爆芝就要多d啦^^
蕃茄      2個(大) (如果想更加方便可用樽裝pizza 醬)
火腿      2片
磨菇片  1小罐
茄汁     3湯匙
糖         2茶匙

做法：
1. 蕃茄去皮去籽切粒，備用
2. 火腿切絲，盡量將水份揸出，備用
3. 磨菇片倒出，揸乾水份，備用
4. 蕃茄用小油煮，加上茄汁及糖，煮至杰身，之後放大碗內加上火腿絲、磨菇片拌勻
5. 準備春卷皮，放上4.拌勻之材料，再加上芝士，包好
6. 炸至金黃就可以(因以上材料本身全部都熟，目的係要裡面d芝士溶)
**如明火炸千祈唔可以大火
**如用光波爐：200波10分鐘，反轉，220波 5 分鐘

自家製甜豉油 (腸粉,燒賣,粉果嘅好朋友)

記住 1.2.3.4：

1份 老抽
2份 糖
3份 豉油
4份 水

將以上材料一同煮至糖溶就可
喜歡嘅可再加上麻油同辣椒

**當然 咸/甜口味可自行調較

涼拌醬(可配雞絲粉皮/冷麵)超開胃醬汁

材料：
麻醬　一細枝(街市雜貨店有售)
凍開水　(用回麻醬樽約半枝)
檸檬汁　約半個
蜜糖　約1-2茶匙

做法：
1. 麻醬加入水攪勻 (稀杰程度隨個人喜好)
2. 加入檸檬汁及蜜糖

**以上材料沒有準確份量，因各人口味各有不同，只要開好麻醬後，加檸檬汁及蜜糖時，邊攪邊試味至合個人口味就可
**用餐時再配上麻油及甜豉油撈勻，會非常惹味呢！

芒果芝士凍餅

材料(8吋份量)：

餅底及內餡
鮮芒果 3 個起肉切小粒備用(連餅面裝飾，如只蛋糕內餡只用了一個半)
忌廉芝士  200g
淡忌廉     240g
砂糖           50g (本身唔鍾意咁甜,如喜歡可加多10g)
原味乳酪    100g
魚膠粉        16g
牛油             70g
消化餅         160g
盒裝芒果汁 200 ml
凍開水         80ml
芒果啫喱面
芒果味啫喱粉  50g(可隨意轉味道呢)
糖                     2 茶匙
熱水                150g
魚膠粉              20g
凍開水              40g


做法：
餅底
1. 牛油坐溶，加入消化餅碎，攪均(至牛油完全滲透消化餅中)
2. 放入8吋活動蛋糕模中，用手盡量鋪平、壓實(**呢個餅其實好滿,如果用10吋模就更好)
3. 之後放入雪櫃15-20分鐘
內餡

4. 已放軟的忌廉芝士，加入砂糖(分3次)，打至挺身(A)
5. 淡忌廉打至挺身(B)
6. 將 (A)加上(B)，用刮刀拌勻
7. 再加上原味乳酪拌勻 ~~忌廉芝士混合物備用~~

8. 魚膠粉放入水中坐熱攪至溶(沒有粒粒)，放入芒果汁拌勻
9. 放入忌廉芝士混合物拌勻，再加內餡芒果粒，就可放進餅底上
10. 再雪60分鐘左右

芒果啫喱面
11. 魚膠粉放入開水中坐熱，攪溶至沒有粒粒，再倒入啫喱水攪勻
12. 放涼小許
13. 待內餡連餅底大概已雪60分鐘(即上面的10.)，就可倒入芒果啫喱面放餅面
14. 再雪 3 小時左右就可食用

益力多芝士凍餅

材料(8吋份量)：
忌廉芝士  200g
淡忌廉     240g
糖           50g (本身唔鍾意咁甜,如喜歡可加多10g)
原味乳酪  60g
魚膠粉     32g
牛油        70g
消化餅     160g
益力多     4 枝
凍開水     120g

做法：
餅底
1. 牛油坐溶，加入消化餅碎，攪均(至牛油完全滲透消化餅中)
2. 放入8吋活動蛋糕模中(用手盡量鋪平,壓實)
3. 放入雪櫃15-20分鐘
餡
4. (A) 已放軟的忌廉芝士，加入沙糖(分3次)，打至挺身
5. (B) 淡忌廉打至挺身
6. 將(A)加上(B)，用刮刀拌勻
7. 再加上原味乳酪拌勻 ~~完成忌廉芝士混合物備用~~
8. 16g魚膠粉放入80g水中坐熱攪至溶(沒有粒粒)
9. 放入2支益力多拌勻
10. 放入忌廉芝士混合物拌勻
11. 已伴勻的餡放進餅底上
12. 再雪30分鐘左右
益力多啫哩面
13. 16g魚膠粉放入40g開水中坐熱攪溶至沒有粒粒
14. 再倒入2支益力多攪勻
15. 放涼小許
16. 待餡連餅底已雪30分鐘左右(即上面的11.), 即可倒入益力多啫哩面放餅面
17. 再雪 3 小時左右就可食用

芒果糯米茲

材料：
芒果 3 個 (芒果肉切約2cm*2cm丁方)
糯米粉150g
芒果汁150ml
椰漿 100ml
糖 5湯匙(可自行加多減小,視付個人口味)
椰絲 適量

做法：
1. 芒果汁、椰漿、糖拌勻，中火加熱至滾起(**記住不要大滾,因為太滾芒汁會變黑)
2. 滾起倒入糯米粉，快手攪勻
3. 攪至沒有粉粒，大水蒸15分鐘
4. 取出放涼小許，就可包入芒果
5. 滾圓，沾上椰絲，即可
**(雪凍更美味)
**如不喜歡椰絲可用糕粉代替!

香煎鴛鴦紫菜腐皮卷

材料：
腐皮一張(買嘅時候要話用嚟包野嘅)
鯪魚肉 10蚊左右 (魚檔已調味)
豬肉碎 10蚊左右
即食紫菜 2大片(我用左小包裝6包韓國出嘅岩燒紫菜)
胡椒粉 適量

做法：
1. 打開腐皮放魚肉上面，搽均勻簿簿一片
2. 灑上胡椒粉，再搽上肉碎，最後放上紫菜
3. 卷成圓條狀，切開4 段
4. 落鑊煎至面微黃
5. 取出切片約2cm厚
6. 再回鑊煎，放2湯匙水焗2-3分鐘
7. 拿起蓋再煎至兩邊金黃即成!
*(點喼汁更加好味)^^