Pita Bread 中東包

材料　　高筋粉　　 100 克
　　　　全麥粉　　   15 克
　　　　酵母　　　　  1克
　　　　發粉　　　　  1克
　　　　水　　　　　60克
　　　　微暖水　　　15克 　酵母用
　　　　糖　　　　　  6克
　　　　鹽　　　　　  2克
 

做法　　酵母放入微暖水中備用
         
　　　　之後剩低的材料全部倒入一個大盆中，水最後加

　　　　再混入酵母水，搓勻至起筋成為麵團，搓好麵團拉開見有薄膜

　　        搓圓麵團，麵團收口向下，麵團上鋪上保鮮紙或濕毛巾

　　　　第一發發酵約45分鐘

　　　　第一發完成後，排氣，麵團平均分成約6份

　　        每份麵團再搓圓，麵團收口向下，麵團上鋪上保鮮紙或濕毛巾

　　　　第二發發酵約15分鐘

　　　　完成後可取出，麵團底面要灑上少許高筋粉

　　　　麵團以棍擀壓平圓形餅狀約2-3mm厚度

　　　　爐開中火，用平底鑊不需加油，煎至餅底少許硬度，反轉煎另一邊，
     
　　　　見完全膨脹，其間反一反餅兩面，以免變燶，
　　　　
　　　　煎至兩面金黃即成....

切開,放入喜愛餡料

完成

.






       

       
       
           
       
           

柱候豬軟骨

材料　　豬軟骨　　約1斤半
　　　　薑　　　　數片
　　　　蒜頭　　　數粒

調味　　水　　　　1碗
　　　　柱侯醬　　2茶匙

　　　　白醋　　　1茶匙

醃料　　豉油　　　4湯匙
　　　　糖　　　　4茶匙
　　　　胡椒粉　　少許
　　　　八角粉　　1茶匙
　　　　水　　　　半碗

做法　　先將豬軟骨洗淨放入所有醃料，醃1小時左右，

     
          爆香薑、蒜

                                                 
         


          放入豬軟骨略煎至兩面微黃，
         
          倒入其餘醃料，加入1碗水，**2茶匙柱侯醬，煮至微滾，

          加入1茶匙白醋，拌勻，蓋上蓋炆半小時，轉細火炆

          中途開蓋睇下有無水，如沒有則加半碗水繼續炆


          試味，完成**若有時間可焗一陣
          
          呢個菜用嚟做煲仔菜都好好味哩，加啲菜底或蘿蔔就可以

            
                    










               
             

蟲草花黑木耳蒸滑雞

材料　　雞中翼　　約1磅(可用新鮮雞半隻)
　　　　蟲草花　　一少撮
　　　　黑木耳　　約30粒


                            新鮮蟲草花




                                 黑木耳


醃料　　生抽　　2湯匙
　　　　糖　　　2茶匙
　　　　胡椒粉　少許
　　　　香菇粉　1茶匙(可不加)
　　　　廚酒　　半瓶蓋





做法　　雞中翼解凍，一開二，
       
　　　　蟲草花先洗乾淨，揸乾水份，我選用新鮮的
     
　　　　黑木耳預先浸發備用



　　　　將所有材料及醃料用大碟盛起
　　　　均勻撈好，醃約10分鐘
　　　　煮飯時一拼放入飯煲內蒸，飯煮好再焗5分鐘左右就可以
　　　　因應個人喜好，可放蔥花裝飾......

紫薯麻糬

材料:

紫心蕃薯        1個  (預先切片蒸熟拌成茸,放雪櫃備用)

糯米粉           160g

木薯粉            20g

糖                    40g

椰漿                60g

凍水                100g

做法:

將以上材料拌勻~~紫薯除外~~..放上已搽油器皿上,,隔水蒸15分鐘..

取出放涼..將粉糰分成8-10份,(約35g 一粒)包入紫薯餡(約10g一粒),

放入雪櫃雪20分鐘.. 預備一小鍋油,,**全程細火**放入已

雪好粉糰炸至金黃色,,取出用吸油紙吸去油份便可~

~~炸的時候,起初會沾底,,不用擔心,因炸至有小脆面時一推即可,~~

餡料更可換成如..南瓜茸,芝士等等

燕麥曲奇

材料:

麥皮         200g
低筋粉     200g
高筋粉     40g
發粉         1 g
梳打粉     1 g
無鹽牛油 180g
黃糖          120g
雞蛋          2隻
雲呢嗱香油 少許(可不加)



做法:

無鹽牛油(室溫軟化)加入黃糖拌勻


雞蛋續隻放入,每放一隻要拌勻才放第二隻(此時候可加入香油)


之後將所有粉類(已過篩)及麥皮加入蛋漿內拌勻


放入雪櫃約15-20分鐘

方法1:***拌好將粉糰放在保鮮紙上擀平約4mm***雪好後用模具印出形狀


方法2:*或可整個放入雪櫃,,焗時取出用手搓圓,再按平,*(如手心比較熱,,或感覺粉糰溶可再放雪櫃雪10分鐘)


放入已預熱焗爐(170度)焗15-18分鐘


取出放涼便可,放涼後放入密實盒,幾時食都得啦~

香煎蠔餅

蠔仔        10兩
芫茜         適量
雞蛋          2隻
(可用鴨蛋,,因買唔到所以用雞蛋)
蕃薯粉     2湯匙
自發粉     2湯匙
水             4 湯匙
鹽,胡椒粉 各少許

做法:蠔仔洗淨,,先用薑蔥出水,用鹽,胡椒粉,小許酒略醃,備用
          (水滾落,,煮約半分鐘)

蕃薯粉,自發粉拌勻,,加入水拌勻,,

再加入蛋,蠔仔,芫茜 ,少許麻油,,胡椒粉

就可以拎去煎,,煎嘅時候要分3-4塊,,切勿心急一次過煎(效果會唔理想)

煎至兩邊金黃就可以上碟,

食時點上魚露會更加滋味~~

合桃香蕉muffin ~~~~~約12個分量~~~~

a.無鹽牛油   200g*室溫*
b.糖               200g
c.全蛋            4 隻
d.香蕉            2隻*壓茸備用*
(熟d最好,有梅花點最正)
e.低筋粉       260g(過篩)
f.合桃肉        適量


1.先將牛油加入糖打至奶白色(可用電打蛋器)

2.蛋績隻加入,每加一隻用刮刀拌勻

3.加入香蕉茸拌勻

4.最後加入已過篩麵粉拌至無粉粒

5.將粉漿放入蛋糕紙杯約8分滿,入好粉漿後將紙杯在枱面輕力*登*1-2下

放上合桃肉

6.放入已預熱180度焗爐焗至微黃,轉150度再焗35-45分鐘,取出放涼,完成啦!

                                         

楊枝甘露

杧果      2個 (今次用咗菲律賓杧果}
一個打汁,一個切粒
金柚      半個
西米      1碗
椰漿      200ml
鮮奶      500ml
淡忌廉  200ml(可用花奶代替)
熱水       1碗
糖          3湯匙

以上所有材料可自行加多減小,,按個人口味調較



做法:

 金柚取果肉,備用

 3碗水煲滾下西米,中火煮約10分鐘,,冚蓋焗約10分鐘

倒出,用隔網沖水,,沖好再用開水沖一次..瀝乾備用

**熱水 1碗 倒入糖 3湯匙成糖水備用**

預備攪拌機,,放入一個杧果肉,鮮奶,椰漿,淡忌廉,開機打勻,試味

再加入適量糖水,甜度請自行調較

放入西米,杧果粒,金柚肉..拌勻..完成

放雪櫃雪凍就食得啦~~

自製香草蒜茸牛油 焗芝士鮮蝦伊麵

材料  : 蝦        半斤(約8隻)
           伊麵    一個(大)
           煙肉     2片切粒
           洋葱     半個(小)切粒
         自制香草蒜茸牛油(隨意)
         巴馬臣芝士(適量)


(預先做)
             芝士汁: 水     半碗
             淡忌廉           半碗
             片裝芝士       1  片(後落)
             糖小許           吊味
             鷹粟粉           小許埋茨
**全部材料煮勻便可** 用中小火煮(芝士汁不用煮太杰身)

(預先做)
自制香草蒜茸牛油做法:

              蒜茸             3-4粒
              無鹽牛油     50g
              鹽                 約半茶匙  
              百里香(碎)   2茶匙        
 牛油用熱水座至軟身加入鹽及百里香拌勻便可(不用太熱)
 如用有鹽牛油無需加鹽 自制香草蒜茸牛油所有材料可按個人口味調整



焗芝士大蝦伊麵做法

伊麵預先煮至軟身，隔去水份，放入焗盤備用

洋葱炒至微黃，加入煙肉炒勻，一半放上伊麵面， 一半備用

淋上芝士汁，蝦洗淨開邊，放伊麵上，搽上香草蒜茸牛油

再放上另一半洋葱煙肉，灑上巴馬臣芝士碎　**梗係愈多愈正啦~

放入已預熱220度焗爐，焗約20分鐘，完成

    
           

迷你一口泡芙

水              250g
低筋粉      175g
無鹽牛油  120g
全蛋            5隻(約250g)

**可因應喜好添加少許食鹽


先將水及牛油放入煲內，小火煮至牛油溶化，微滾就可以

放入已篩麵粉拌勻，期間不用關火

拌勻後略煮大約3分鐘 ，要不停攪拌

關火，放至微暖才開始放蛋，因為太熱蛋會熟
蛋要逐隻放入，每加入一隻蛋都要快手拌至均勻

加入每隻蛋都要攪拌至均勻，才可放再放蛋

加入完5隻蛋的模樣

加入所有蛋後就可以放入唧袋，每粉唧約3cm

**如覺得太軟便需要放入雪櫃雪藏約20分鐘

以200度預熱焗爐，放入焗15-20分鐘，我放在焗爐中層
                                       
　　　　　　　　　下圖係預早做好放入雪櫃，第二朝拎出嚟唧嘅樣

完成後泡芙取出放涼......底部拮一小孔，方便唧入忌廉，可放甜忌廉或淡忌廉加糖，甜度可自行調較

唧好後放入雪櫃冰格，雪藏2-3小時便可

呢個份量大概可做100粒

食用前取出置放幾分鐘，待泡芙放軟少許更美味

      

涼瓜炆雞翼

涼瓜           1 個
雞中翼       8-10隻
蒜頭  (茸)         2粒
豆豉           1湯匙
薑                數片


做法:

先將雞翼一開二,,用豉油,,糖,,生粉,,小許胡椒粉醃好備用,,

涼瓜切片,,(我會起埋衣)出水(加小小鹽)約2-3分鐘有小小轉色..

盛起沖凍水,,備用,,

開鑊先爆薑片,下雞翼(轉中細火),,煎至7成熟加入

蒜茸,豆豉,略兜,,放入涼瓜,,水大半碗, 蠔油1大湯匙,糖1.5茶匙

兜勻,加蓋煮至收汁,,完成

自家製~骨精濃湯寶~

豬筒骨~~2斤(其實可以好隨意)***又可以轉用雞殼***
洋蔥         1個(去皮整個落不用切)
甘筍         1條(去皮整條落)
京蔥         1條
胡椒粒     小許
(以上材料可以自行加多減少，或者加自己鍾意嘅材料都得)

***我自己冇落調味，用嘅時候先放****

豬筒骨出水備用，放好(凍水)滿，將全部材料放入

我用(娥姐煲)壓力煲，煲2個鐘，除豬骨及胡椒粒，其他材料全部取出，

跟住開蓋繼續煲至剩一半水

放涼，隔渣...就可以入雪櫃(下格)，雪凍咗油份會自動浮面，可以片起佢唔要，

剩番嘅就得番啲骨精~放入冰粒格或盒，又可以分好一定份量，雪喺冰箱，用嘅時候一份

一份攞出嚟就得嘞~

出嚟嘅湯真係好正㗎~仲要無添加

韮菜餡餅

材料: 免治豬肉 (最好半肥瘦)
         **我喺超市買咗約十蚊**
            多菜小肉,如喜歡可以買多d,比例請自行調較
            韮菜半斤
            中筋粉    300g
            熱水        200ml
            冷開水         50 ml

做法:韮菜先洗淨切粒備用(最好放乾,避免大多水份)
            豬肉先用豉油,栗粉,小許糖,麻油,酒,鹽,胡椒粉
          *我自己本身好小用雞粉調味,,如喜愛都可以加小小呀*
          *如想惹味d可放小小蠔油*
           放入調味料後拌勻至豬肉起膠,再放入韮菜粒拌勻,
           入雪櫃雪約30分鐘

皮做法:中筋粉放入比較大容器內(方便攪拌),,放入熱水(由上至下倒入,用膠刮或木匙快手攪拌至粒狀:

再加入冷開水.逐小加入搓勻,呢個時候嘅冷水唔好一次過落曬,因每隻麵粉受水性都唔同及空氣濕度都會有影響,所以搓出嘅麵糰至有小許黏性就可以,準備另一容器,內掃薄薄一層油放進麵糰,蓋保鮮紙或濕毛巾靜置30分鐘,預備手粉灑上枱面,,取出麵糰搓成長長條型
平均分8-10份

再桿至圓餅狀

包入韮菜餡收口

跟住已經可以拎去煎啦~~

煎嘅時候最好用平底鑊,,落小計油,,放入已包好餡餅,,此時用鑊鏟輕力壓平,煎至兩面金黃,記住慢火煎,,

千萬唔可以大火,

如果唔係個皮燶曬d餡都未熟,,真係落得太多餡的話,可以加小小水,加蓋焗一焗,,跟住煎番乾身就得

   趁熱食啦喂~~

更多分享----->>> https://www.facebook.com/groups/253857664794843/

芝士蝦仁炒蛋

芝士蝦仁炒蛋，好肥，但又好香

先爆咗虾先，6成熟左右，盛起
落小小油(中火)，放蛋漿，(蛋可落小小胡椒粉，唔好落鹽呀)，跟住放芝士（我用芝士碎的，如用片裝芝士要搣碎先）
見芝士半溶可落虾，跟住慢慢打圈咁推，煮到自己覺得想要生熟度就可以

*如用平底鑊，鑊嘅面積大咗，蛋又少的話要細火d呀～
*如早餐做芝士炒蛋，蛋兩隻夠啦，芝士一片

    

百合蝦仁扒豆腐~~~超滑，好餸飯

材料:盒裝豆腐     一  盒 (可用布包豆腐)
         蝦仁           15-20隻
         百合            一粒

調味料: 一湯匙鮑魚汁,,半茶匙糖,,小許鹽 ,水半飯碗

做法:虾仁先用小許鹽,胡椒粉醃好備用
          百合洗淨備用
          豆腐切件,,蒸4-5分鐘,,
          起鑊(中細火)放入醃好虾仁炒至半熟,,放入百合略炒,,
          放入 調味料煮至蝦熟,,開小許生粉水埋獻,,煮至合適稀杰度,
          淋上已預先蒸好豆腐面,完成啦~~

香草豬肋排

材料:豬肋排             2件
   
醃料:香草         2-3茶匙
         豉油         3 湯匙
         酒             1 湯匙
         黃糖         3-4湯匙
         胡椒粉  /  黑椒碎   小計
         喼汁          2茶匙

做法:
1. 將所有醃料塗勻豬肋排..醃2-3個鐘
2. 焗爐220度焗30分鐘  ,其間要反轉豬肋排
3. 取出切件..完成啦~

**因每件豬肋排厚簿大小不一..~醃料及時間要自行適量調整啊~~**

蘋果薯茸沙律 ~真係估唔到咁易~

材料:  薯仔                2個
           富士蘋果       3-4個
           沙律醬           適量
           (如用蛋王醬可加適量檸檬汁及煉奶)

做法:
1. 薯仔烚熟後3份2 壓茸,其餘切粒,
2. 蘋果切粒,,加上沙律醬拌勻..試味...完成啦~

係咪好簡單呢?....雪凍仲好食呀~
可以加上其他蔬果..不過用比較小水份嘅效果最好

風沙龍脷柳

材料:
龍脷柳           2條
炸蒜              適量
椒鹽              適量
~~喜愛辣可放1-2隻辣椒~~

炸漿:
30g麵粉
10g鷹栗粉
蛋 1 隻(大，約50g左右)
2 湯匙水

做法:
1. 先將龍脷柳洗淨切件，用小許鹽、胡椒粉醃15分鐘
2. 龍脷柳上炸漿
(我自己用半煎炸方式，可以用小d油嘛，炸嘅時間隻鑊側小小)
3. 中小火，炸至兩邊金黃盛起
4. 轉中大火再番炸約半分鐘，盛起備用
5. 開鑊放小許油 *如果個鑊油多的話要倒起*，放炸蒜(細火)，~~喜愛辣可放1-2隻辣椒~~
6. 放椒鹽 (記住唔好咁多呀~如果唔係會好咸~)，炒至炸蒜熱就可熄火，放入龍脷柳兜勻
完成!!

簡單,易做又惹味~快d試下啦~~

更多分享----->>> https://www.facebook.com/groups/253857664794843/

自家製五香肉丁 ~真係超易做

材料: 五花腩      330g(買咗約$20)去皮切粒
          蒜頭          2 粒(拍扁)
          薑片          2 片
          辣椒          2-3隻(鍾意辣d就比多小小啦)
          豆板醬      1 湯匙

醃料:  豉油         2湯匙
          五香粉     半湯匙
          柱侯醬      半湯匙
          水              1 湯匙
          糖              1 湯匙


將所有醃料倒入豬肉粒拌勻醃20分鐘,

起鑊放2湯匙油,爆香蒜頭 ,薑片,辣椒,豆板醬,

放入豬肉粒,轉中火,,煮至7成熟左右,放一碗滿水

轉細火,,冚蓋煮約10分鐘,,開蓋煮至略收汁..完成  (鍾意可落少許麻油仲香)




**要接近罐頭口感,--放入有蓋容器.,再放入煲內蒸約1小時**


更多分享,歡迎加入--->   https://www.facebook.com/groups/253857664794843/

  

干燒伊麵

材料: 大伊麵        兩個
           草菇            四兩
           秀珍菇        四兩
           韮王            二兩
           薑片            數片

調味: 蠔油      2湯匙
         生抽       2茶匙
         老抽       2茶匙
         糖           3茶匙
         水           約一碗(視附個人喜好,想淋身d就多小小水)

做法:
1.草菇及秀珍菇洗淨，切片，韮王洗淨切段
2.草菇及秀珍菇汆水後過冷河,瀝乾水份,備用
3.燒一鍋水，放入伊麵灼至剛剛變軟身(約兩分鐘)，過冷河瀝水備用。
(過冷河作用係令麵冷卻, ,如果唔係熱力會繼續將麵煮淋,過咗冷河就比較易控制)

4.起油鑊，先爆薑片後加入草菇及鮮秀珍菇，加入韮王炒至軟身，盛起備用薑片拿起

5.再起鑊，放入伊麵兜炒(加小許水,咁會冇咁易沾鑊)加入配料，加入調味料兜勻(轉中火) ，

   蓋上蓋炆約5分鐘，起蓋快炒至汁收。(想淋身d就多小小水同煮耐小小啦)


更多分享,歡迎加入---> https://www.facebook.com/groups/253857664794843/

New York Cheesecake (6吋)

a)餅底:
消化餅          6 塊(壓碎)
牛油溶液      30g

做法:拌勻牛油溶液,,放在餅模中壓實(180度焗5分鐘備用)

b)餅面:
酸忌廉         20g
糖                 5g

做法:酸忌廉加入糖拌至糖溶(備用)

c)蛋糕:
忌廉芝士         226g(室油放軟)
甜忌廉             50g
全蛋                 1隻(先打發)
糖                     40g
低筋麵粉         8g(過篩)
檸檬汁             2茶匙

做法:忌廉芝士加入糖拌勻,,再加入低筋麵粉攪至無粒粒..

全蛋打發好分兩次加入,,拌勻..加入甜忌廉再攪拌,,最後放入檸汁

拌好便可倒入有餅底模中.登幾下,以便登出空氣(記住模要包錫紙,如果唔係d水就入曬去啦)

1~~放入已預熱180度焗爐(底盤加水)焗20分鐘(呢個時候我用最低一隔)取出放涼10分鐘

2~轉中間一隔150度(底盤加水)焗20分鐘取出放涼10分鐘

3~120分焗30分鐘 (用竹簽插入蛋糕測試,,如沒有麵糊沾上便可,否則便要加時焗)


**注意**因每個爐溫會有所不同,,烤焗時間只作參考,,如焗過程中見蛋糕脹身便可取出放涼10分鐘,之後再焗,以減小蛋糕面爆裂機會..

4~蛋糕焗好後放涼..再塗上酸忌廉,,放入雪櫃兩小時(雪凍仲好味)

我呢個用左8吋模所以薄身d

更多分享,歡迎加入---> https://www.facebook.com/groups/253857664794843/

SZE 家用品

辣炒腎片

雞腎      4個
唐芹      3-4棵
辣椒干  10-15隻
蒜頭       2 粒
豆豉辣椒油  2-3湯匙(視附個人而定)


雞腎解凍後...先用薑2-3片,2茶匙醋,水(浸過雞腎面便可)雞腎凍水落,煮至滾起便可熄火,

雞腎沖凍水,切片.用薑汁酒(可用玫瑰露或用普通廚酒亦可).加2茶匙鹽,醃40分鐘

開鑊爆香蒜頭,辣椒干,豆豉辣椒油,小許鹽及糖..下雞腎,,炒至8成熟,(其間若太亁可加小小水),                                                                                                                                                     
最後下唐芹炒勻.上碟時灑上芝麻便可



更多分享,歡迎加入---> https://www.facebook.com/groups/253857664794843/

SZE 家用品

南乳骨

腩排     兩條

醃料:
蒜頭     2-3粒(拍扁)
南乳     一磚
糖         2大匙
胡椒粉  適量
薑汁酒   2湯匙
梳打粉   一茶匙(可不加)
五香粉   一茶匙

腩排洗淨切件,,放下所有醃料醃30-40分鐘,

放兩碗水進腩排,拌勻,將水倒去(此動作為略沖走醃料,不要全部洗走)

炸前用廚房紙印乾腩掛水份,(或可用半煎炸),細火,,炸至金黃色便可..

更多分享,歡迎加入---> https://www.facebook.com/groups/253857664794843/

SZE 家用品